ನವೆಂಬರ್ ಮತ್ತು ಡಿಸೆಂಬರ್ ನಲ್ಲಿ ಕನ್ನಡ ಚಿತ್ರಗಳ
ಪ್ರವಾಹವೇ ಹರಿದಿದೆ. ಕಳೆದ ಮೂರು ವಾರಗಳಲ್ಲಿ ೧೫ ಕ್ಕೂ ಹೆಚ್ಚು ಕನ್ನಡ ಸಿನೆಮಾಗಳು ಬಿಡುಗಡೆಯಾಗಿದ್ದರೆ ಈ ವಾರ ಕೂಡ ಕನಿಷ್ಠ ೫ ಚಲನಚಿತ್ರಗಳ ಬಿಡುಗಡೆ ಕಾಣಲಿವೆ. ನಾಳೆ ನಿಮ್ಮ ಸಿನೆಮಾ ಆಯ್ಕೆಗಾಗಿ ಈ ಪಟ್ಟಿ.
1) ರಥಾವರ : 'ಉಗ್ರಂ'ನ ಭಾರಿ ಯಶಸ್ಸಿನ ನಂತರ ಅಂತಹುದೇ ಒಂದು ನಿರೀಕ್ಷೆಯೊಂದಿಗೆ 'ರಥಾವರ'ದ ಮೂಲಕ ಶ್ರೀಮುರಳಿ ಹಿಂದಿರುಗಿದ್ದಾರೆ. ರಚಿತಾರಾಮ್ ನಾಯಕನಟಿಯಾಗಿರುವ ಈ ಚಿತ್ರಕ್ಕೆ ಹರಿಕೃಷ್ಣ ಸಂಗೀತ ಒದಗಿಸಿದ್ದಾರೆ. ಚಂದ್ರಶೇಖರ್ ಬಂಡಿಯಪ್ಪ ನಿರ್ದೇಶಕ.
2) ಮಿಂಚಾಗಿ ನೀನು ಬರಲು : ದೂದ್ ಪೇಡ ದಿಗಂತ್ ಬಾಲಿವುಡ್ ನಲ್ಲೂ ಮಿಂದು ಕನ್ನಡ ಚಿತ್ರೋದ್ಯಮಕ್ಕೆ ಮರಳಿದ್ದಾರೆ. ಕನ್ನಡದ ಚೆಲುವೆ ಕೃತಿ ಕರಬಂಧ ಅವರ ಜೊತೆ ನಟಿಸಿರುವ ಈ ಸಿನೆಮಾಗೆ ಆಕ್ಷನ್ ಕಟ್
ಹೇಳಿರುವವರು ಬಾಲಿವುಡ್ ನಲ್ಲಿ ಸಹನಿರ್ದೇಶಕನಾಗಿ ದುಡಿದಿರುವ ರಣದೀಪ್ ಶಾಂತಾರಾಮ್ ಮಹಾದಿಕ್. ನಿರ್ದೇಶಕನಾಗಿ ಚೊಚ್ಚಲ ಸಿನೆಮಾ.
3) ಕೇರ್ ಆಫ್ ಫುಟ್ ಪಾತ್-೨ : ಆಸ್ಕರ್ ಪ್ರಶಸ್ತಿ ರೇಸ್ ಗೆ 'ಲ್ಯಾಟರಲ್ ನಾಮಕರಣ' ಪಡೆದ
ಖ್ಯಾತಿಯಲ್ಲಿ ಕಿಶನ್ ನಿರ್ದೇಶನದ ಚಿತ್ರ ನಾಳೆ ಬಿಡುಗಡೆಯಾಗುತ್ತಿದೆ. ಕಾರ್ತಿಕ್ ಜಯರಾಮನ್,
ಮತ್ತು ಬಾಲಿವುಡ್ ಖ್ಯಾತಿಯ ಇಶಾ ಡಿಯೋಲ್ ಜೊತೆಗೆ ಕಿಶನ್ ಕೂಡ ಸಿನೆಮಾದಲ್ಲಿ
ನಟಿಸಿದ್ದಾರೆ.
4) ಗೌಡ್ರುಡುಗ್ರು : ವೆಂಕಟೇಶ್ವರ ರೆಡ್ಡಿ ನಿರ್ದೇಶನದ ಈ ಸಿನೆಮಾಗೆ ಹೊಸ ನಾಯಕ ಮತ್ತು ನಟಿ. ತಾರಾಗಣದಲ್ಲಿ ಸಂತೋಷ್, ಗೋಪಿ, ರವಿಶಂಕರ್, ಬುಲೆಟ್ ಪ್ರಕಾಶ್, ಟೆನ್ನಿಸ್ ಕೃಷ್ಣ,ಹೊನ್ನವಳ್ಳಿ ಕೃಷ್ಣ, ನರಸಿಂಹಮೂರ್ತಿ ರಾಜಘಟ್ಟ ಮುಂತಾದವರು ಇದ್ದಾರೆ.
5) ಮಾನಿತ : ಸವಿತಾ ಬರ್ನಾಡ್ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಮಕ್ಕಳ ಚಿತ್ರ ಇದು. ಶೈಲೇಶ್ ಬಾಲ ನಟನಾಗಿ ಕಾಣಿಸಿಕೊಂಡಿದ್ದಾರೆ. ಸಾಜನ್
ಥಾಮಸ್ ಮತ್ತು ನಂದು ಜೆ. ಜೇಬೆಟ್ ಸಂಗೀತ ಸಂಯೋಜಿಸಿದ್ದಾರೆ.